Televizor haqqda sirlər

11.08.2014

Televizor bizim həyatımızın mühüm bir tərkib hissəsidir.Təsvirlərin rənginə görə qara və rəngli televizorlar mövcuddur. Hazırda demək olar ki, əsasən rəngli televizorlardan istifadə edilir və televiziya ötürmələri üçün rəqəmli sistemlərin tətbiqi həyata keçirilir. Bu yeni sistem şəklin və səs qəbulunun keyfiyyətini artırmağa imkan verir. Ona görə də hər bir istehlakçının bu avadanlıqları alarkən aldanmamaq üçün nə etməli olduğunu bilməsi vacibdir.Müasir televizorlar təkcə dizayn gözəlliyinə görə yox, həm də yüksək görüntü keyfiyyətinə görə fərqlənirlər. Hal-hazırda onun 10 mindən çox modeli istehsal edilir.Televizorlar əsasən ekran tipinə, quruluşuna, ölçülərinə, qiymətinə görə təsnifləşdirilir. Hazırda televizorun ən geniş yayılmış növləri plazmalı, mayekristallı və işıqdiodlu olanlardır. Bu səbəbdən televizor seçilməsi zamanı onun hansı xüsusiyyətlərini nəzərə alınması kifayət qədər çətinləşir.Televizorlar barədə bəzi sirləri nəzərinizə çatdırmaq istərdik:

  • Televizorun uzun müddət xidmət etməsini istəyirsinizsə onu mutləq tozdan qoruyun.Televizorun ekranını tozdan təmizləmək asan olsada,onun daxili detallarına yığışan tozlar televizorun daha yüksək gərginlik altında işləməsinə səbəb olur bu sonda qısa qapanmaya gətirib çıxara bilər.Belə hallarla qarşılaşmamağınız üçün ildə 1 dəfə ixtisaslaşmıs mütəxəssis tərəfindən televizorunuzun daxili detallarını tozdan təmizlənməsi məsləhətdir.
  • Televizor yerləşdiyi məkanın temperaturu mülayim olmalıdır.Beləki,televizorlar temperatur dəyişikliyinə qarşı çox həssasdırlar.Əgər temperatur +10 dərəcədən aşağıdırsa bu zaman televizorunuzun  işləməsində problem yaranacaq,beləki  televizor bu temperatur göstəricisi olan məkanda yerləşdiyi zaman onun tezliyi qəbul etmə və tezliyi təsvirə çevirmə qabiliyyəti pozulur.
  • Televizorun yerləşməsi də onun iş fəaliyyətinin keyfiyyətinin vacib göstəricilərindən biridir.Televizoru gün şüalarının birbaşa təsir edəcəyi zonaya yerləşdirmək yolverilməz bir haldır.Belə hallarda televizorun üstqatı pozula bilər  və təsvirin keyfiyyəti  şüa təsirindən vaxt keçdikcə sola bilər.
  • Bir qayda olaraq,televizorun ekranını mexaniki zərbələrdən qorumaq mütləqdir.Əgər televizorunuzun ekranının tipi LCD-dirsə bu zaman siz daha da ehtiyyatlı olmalısınız:beləki,LCD ekranlı monitorların  işıq lampalarının tərkibində,az miqdarda olsa da,civə mövcüddur.Onlar zədələndikdə,sağlamlıq üçün təhlükəli olan civənin,ətrafa yayılma ehtimalı yaranır.
  • Müasir televizorların böyük əksəriyyətinin  ekranı xüsusi örtüklə (plenka)örtülmüş olur.Bu da  təmizlik zamanı xüxusi qaydalara riayət etməyinizi tələb etdirir.Beləki,ekranın örtüyü tərkibi spirt,aseton və vaxud digər kimyəvi məhlullara qarşı davamsızdır.Kimyəvi təmizləyicilərlə təmas olduğu zaman örtük parçalana bilər.Məsləhət görülür ki,televizorunuzun ekranını məhz monitor üçün nəzərdə tutulmuş xüsusi salfet ilə siləsiniz.Belə salfetləri ixtisaslaşmıs mağazalardan əldə edə bilərsiniz (məs.kompyuter mağazalarından).
  • Televizordan istifadə etmədiyiniz zaman onu şəbəkədən ayırmağınız məsləhətdir.Çünki,istifadə etmədiyiniz zaman ekran işləməsə də,daxili detallar cərəyan alır. Bu da televizorun daxilində qısa qapanmaya səbəb ola bilər.
  • Televizorun korpusunda yerləşən ventilyasiya dəlikklərini hər hansısa örtuklə örtmək və yaxud televizoru divara çox sıx quraşdırmaq olmaz. Televizorun düzgün işləməsi üçün hava axını sərbəst sirkulyasiya etməlidir.
  • Televizora maksimal parlaqlıq rejimində baxmaq məsləhət görülmür.Beləki,illər keçdikcə televizorunuzun təsviretmə funksiyası aşağı düşə və solğunlaşa bilər.

 

Şərhlər

Şərh yoxdur

Şərh yazın
captcha
Müqayisə et (0)